אחת המשימות של 'אתר הניווט בתנ"ך' היא ליצור לכל פסוק דף שבו יהיה סיכום של כל הפירושים על הפסוק, על-מנת לעזור לכל מי שמגיע לפסוק 'לנווט' בקלות בין שלל הפירושים. דף זה מסכם את התקדמות הפרוייקט לפי פרקים וספרים. השאיפה היא שכל האדום יהפוך לירוק. הדף מעודכן לתאריך: 10/03/2024
| פסוק | ביאור | |
|---|---|---|
| א | אחרי הדברים והאמת האלה בא סנחריב מלך-אשור ויבא ביהודה ויחן על-הערים הבצרות ויאמר לבקעם אליו. | אין ביאור עדיין - כתבו ביאור חדש |
| ב | וירא יחזקיהו כי-בא סנחריב ופניו למלחמה על-ירושלם. | אין ביאור עדיין - כתבו ביאור חדש |
| ג | ויועץ עם-שריו וגבריו לסתום את-מימי העינות אשר מחוץ לעיר ויעזרוהו. | אין ביאור עדיין - כתבו ביאור חדש |
| ד | ויקבצו עם-רב ויסתמו את-כל-המעינות ואת-הנחל השוטף בתוך-הארץ לאמר למה יבואו מלכי אשור ומצאו מים רבים. | אין ביאור עדיין - כתבו ביאור חדש |
| ה | ויתחזק ויבן את-כל-החומה הפרוצה ויעל על-המגדלות ולחוצה החומה אחרת ויחזק את-המלוא עיר דויד ויעש שלח לרב ומגנים. | אין ביאור עדיין - כתבו ביאור חדש |
| ו | ויתן שרי מלחמות על-העם ויקבצם אליו אל-רחוב שער העיר וידבר על-לבבם לאמר. | אין ביאור עדיין - כתבו ביאור חדש |
| ז | חזקו ואמצו אל-תיראו ואל-תחתו מפני מלך אשור ומלפני כל-ההמון אשר-עמו כי-עמנו רב מעמו. | אין ביאור עדיין - כתבו ביאור חדש |
| ח | עמו זרוע בשר ועמנו יהוה אלהינו לעזרנו ולהלחם מלחמתנו ויסמכו העם על-דברי יחזקיהו מלך-יהודה. | אין ביאור עדיין - כתבו ביאור חדש |
| ט | אחר זה שלח סנחריב מלך-אשור עבדיו ירושלימה והוא על-לכיש וכל-ממשלתו עמו על-יחזקיהו מלך יהודה ועל-כל-יהודה אשר בירושלם לאמר. | אין ביאור עדיין - כתבו ביאור חדש |
| י | כה אמר סנחריב מלך אשור על-מה אתם בטחים וישבים במצור בירושלם. | אין ביאור עדיין - כתבו ביאור חדש |
| יא | הלא יחזקיהו מסית אתכם לתת אתכם למות ברעב ובצמא לאמר יהוה אלהינו יצילנו מכף מלך אשור. | אין ביאור עדיין - כתבו ביאור חדש |
| יב | הלא-הוא יחזקיהו הסיר את-במתיו ואת-מזבחתיו ויאמר ליהודה ולירושלם לאמר לפני מזבח אחד תשתחוו ועליו תקטירו. | אין ביאור עדיין - כתבו ביאור חדש |
| יג | הלא תדעו מה עשיתי אני ואבותי לכל עמי הארצות היכול יכלו אלהי גוי הארצות להציל את-ארצם מידי. | אין ביאור עדיין - כתבו ביאור חדש |
| יד | מי בכל-אלהי הגוים האלה אשר החרימו אבותי אשר יכול להציל את-עמו מידי כי יוכל אלהיכם להציל אתכם מידי. | אין ביאור עדיין - כתבו ביאור חדש |
| טו | ועתה אל-ישיא אתכם חזקיהו ואל-יסית אתכם כזאת ואל-תאמינו לו כי-לא יוכל כל-אלוה כל-גוי וממלכה להציל עמו מידי ומיד אבותי אף כי אלהיכם לא-יצילו אתכם מידי. | אין ביאור עדיין - כתבו ביאור חדש |
| טז | ועוד דברו עבדיו על-יהוה האלהים ועל יחזקיהו עבדו. | אין ביאור עדיין - כתבו ביאור חדש |
| יז | וספרים כתב לחרף ליהוה אלהי ישראל ולאמר עליו לאמר כאלהי גוי הארצות אשר לא-הצילו עמם מידי כן לא-יציל אלהי יחזקיהו עמו מידי. | אין ביאור עדיין - כתבו ביאור חדש |
| יח | ויקראו בקול-גדול יהודית על-עם ירושלם אשר על-החומה ליראם ולבהלם למען ילכדו את-העיר. | אין ביאור עדיין - כתבו ביאור חדש |
| יט | וידברו אל-אלהי ירושלם כעל אלהי עמי הארץ מעשה ידי האדם. | אין ביאור עדיין - כתבו ביאור חדש |
| כ | ויתפלל יחזקיהו המלך וישעיהו בן-אמוץ הנביא על-זאת ויזעקו השמים. | אין ביאור עדיין - כתבו ביאור חדש |
| כא | וישלח יהוה מלאך ויכחד כל-גבור חיל ונגיד ושר במחנה מלך אשור וישב בבשת פנים לארצו ויבא בית אלהיו ומיציאו מעיו שם הפילהו בחרב. | אין ביאור עדיין - כתבו ביאור חדש |
| כב | ויושע יהוה את-יחזקיהו ואת ישבי ירושלם מיד סנחריב מלך-אשור ומיד-כל וינהלם מסביב. | אין ביאור עדיין - כתבו ביאור חדש |
| כג | ורבים מביאים מנחה ליהוה לירושלם ומגדנות ליחזקיהו מלך יהודה וינשא לעיני כל-הגוים מאחרי-כן. | אין ביאור עדיין - כתבו ביאור חדש |
| כד | בימים ההם חלה יחזקיהו עד-למות ויתפלל אל-יהוה ויאמר לו ומופת נתן לו. | אין ביאור עדיין - כתבו ביאור חדש |
| כה | ולא-כגמל עליו השיב יחזקיהו כי גבה לבו ויהי עליו קצף ועל-יהודה וירושלם. | אין ביאור עדיין - כתבו ביאור חדש |
| כו | ויכנע יחזקיהו בגבה לבו הוא וישבי ירושלם ולא-בא עליהם קצף יהוה בימי יחזקיהו. | אין ביאור עדיין - כתבו ביאור חדש |
| כז | ויהי ליחזקיהו עשר וכבוד הרבה מאד ואצרות עשה-לו לכסף ולזהב ולאבן יקרה ולבשמים ולמגנים ולכל כלי חמדה. | אין ביאור עדיין - כתבו ביאור חדש |
| כח | ומסכנות לתבואת דגן ותירוש ויצהר וארות לכל-בהמה ובהמה ועדרים לאורות. | אין ביאור עדיין - כתבו ביאור חדש |
| כט | וערים עשה לו ומקנה-צאן ובקר לרב כי נתן-לו אלהים רכוש רב מאד. | אין ביאור עדיין - כתבו ביאור חדש |
| ל | והוא יחזקיהו סתם את-מוצא מימי גיחון העליון ויישרם למטה-מערבה לעיר דויד ויצלח יחזקיהו בכל-מעשהו. | אין ביאור עדיין - כתבו ביאור חדש |
| לא | וכן במליצי שרי בבל המשלחים עליו לדרש המופת אשר היה בארץ עזבו האלהים לנסותו לדעת כל-בלבבו. | אין ביאור עדיין - כתבו ביאור חדש |
| לב | ויתר דברי יחזקיהו וחסדיו הנם כתובים בחזון ישעיהו בן-אמוץ הנביא על-ספר מלכי-יהודה וישראל. | אין ביאור עדיין - כתבו ביאור חדש |
| לג | וישכב יחזקיהו עם-אבתיו ויקברהו במעלה קברי בני-דויד וכבוד עשו-לו במותו כל-יהודה וישבי ירושלם וימלך מנשה בנו תחתיו. | אין ביאור עדיין - כתבו ביאור חדש |