אחת המשימות של 'אתר הניווט בתנ"ך' היא ליצור לכל פסוק דף שבו יהיה סיכום של כל הפירושים על הפסוק, על-מנת לעזור לכל מי שמגיע לפסוק 'לנווט' בקלות בין שלל הפירושים. דף זה מסכם את התקדמות הפרוייקט לפי פרקים וספרים. השאיפה היא שכל האדום יהפוך לירוק. הדף מעודכן לתאריך: 10/03/2024
| פסוק | ביאור | |
|---|---|---|
| א | וישמע את-דברי בני-לבן לאמר לקח יעקב את כל-אשר לאבינו ומאשר לאבינו עשה את כל-הכבד הזה. | יש ביאור - קראו וערכו אותו |
| ב | וירא יעקב את-פני לבן והנה איננו עמו כתמול שלשום. | יש ביאור - קראו וערכו אותו |
| ג | ויאמר יהוה אל-יעקב שוב אל-ארץ אבותיך ולמולדתך ואהיה עמך. | יש ביאור - קראו וערכו אותו |
| ד | וישלח יעקב ויקרא לרחל וללאה השדה אל-צאנו. | יש ביאור - קראו וערכו אותו |
| ה | ויאמר להן ראה אנכי את-פני אביכן כי-איננו אלי כתמל שלשם ואלהי אבי היה עמדי. | יש ביאור - קראו וערכו אותו |
| ו | ואתנה ידעתן כי בכל-כחי עבדתי את-אביכן. | יש ביאור - קראו וערכו אותו |
| ז | ואביכן התל בי והחלף את-משכרתי עשרת מנים ולא-נתנו אלהים להרע עמדי. | יש ביאור - קראו וערכו אותו |
| ח | אם-כה יאמר נקדים יהיה שכרך וילדו כל-הצאן נקדים ואם-כה יאמר עקדים יהיה שכרך וילדו כל-הצאן עקדים. | יש ביאור - קראו וערכו אותו |
| ט | ויצל אלהים את-מקנה אביכם ויתן-לי. | יש ביאור - קראו וערכו אותו |
| י | ויהי בעת יחם הצאן ואשא עיני וארא בחלום והנה העתדים העלים על-הצאן עקדים נקדים וברדים. | יש ביאור - קראו וערכו אותו |
| יא | ויאמר אלי מלאך האלהים בחלום יעקב ואמר הנני. | יש ביאור - קראו וערכו אותו |
| יב | ויאמר שא-נא עיניך וראה כל-העתדים העלים על-הצאן עקדים נקדים וברדים כי ראיתי את כל-אשר לבן עשה לך. | יש ביאור - קראו וערכו אותו |
| יג | אנכי האל בית-אל אשר משחת שם מצבה אשר נדרת לי שם נדר עתה קום צא מן-הארץ הזאת ושוב אל-ארץ מולדתך. | יש ביאור - קראו וערכו אותו |
| יד | ותען רחל ולאה ותאמרנה לו העוד לנו חלק ונחלה בבית אבינו. | יש ביאור - קראו וערכו אותו |
| טו | הלוא נכריות נחשבנו לו כי מכרנו ויאכל גם-אכול את-כספנו. | יש ביאור - קראו וערכו אותו |
| טז | כי כל-העשר אשר הציל אלהים מאבינו לנו הוא ולבנינו ועתה כל אשר אמר אלהים אליך עשה. | יש ביאור - קראו וערכו אותו |
| יז | ויקם יעקב וישא את-בניו ואת-נשיו על-הגמלים. | יש ביאור - קראו וערכו אותו |
| יח | וינהג את-כל-מקנהו ואת-כל-רכשו אשר רכש מקנה קנינו אשר רכש בפדן ארם לבוא אל-יצחק אביו ארצה כנען. | יש ביאור - קראו וערכו אותו |
| יט | ולבן הלך לגזז את-צאנו ותגנב רחל את-התרפים אשר לאביה. | יש ביאור - קראו וערכו אותו |
| כ | ויגנב יעקב את-לב לבן הארמי על-בלי הגיד לו כי ברח הוא. | יש ביאור - קראו וערכו אותו |
| כא | ויברח הוא וכל-אשר-לו ויקם ויעבר את-הנהר וישם את-פניו הר הגלעד. | יש ביאור - קראו וערכו אותו |
| כב | ויגד ללבן ביום השלישי כי ברח יעקב. | יש ביאור - קראו וערכו אותו |
| כג | ויקח את-אחיו עמו וירדף אחריו דרך שבעת ימים וידבק אתו בהר הגלעד. | יש ביאור - קראו וערכו אותו |
| כד | ויבא אלהים אל-לבן הארמי בחלם הלילה ויאמר לו השמר לך פן-תדבר עם-יעקב מטוב עד-רע. | יש ביאור - קראו וערכו אותו |
| כה | וישג לבן את-יעקב ויעקב תקע את-אהלו בהר ולבן תקע את-אחיו בהר הגלעד. | יש ביאור - קראו וערכו אותו |
| כו | ויאמר לבן ליעקב מה עשית ותגנב את-לבבי ותנהג את-בנתי כשביות חרב. | יש ביאור - קראו וערכו אותו |
| כז | למה נחבאת לברח ותגנב אתי ולא-הגדת לי ואשלחך בשמחה ובשרים בתף ובכנור. | יש ביאור - קראו וערכו אותו |
| כח | ולא נטשתני לנשק לבני ולבנתי עתה הסכלת עשו. | יש ביאור - קראו וערכו אותו |
| כט | יש-לאל ידי לעשות עמכם רע ואלהי אביכם אמש אמר אלי לאמר השמר לך מדבר עם-יעקב מטוב עד-רע. | יש ביאור - קראו וערכו אותו |
| ל | ועתה הלך הלכת כי-נכסף נכספתה לבית אביך למה גנבת את-אלהי. | יש ביאור - קראו וערכו אותו |
| לא | ויען יעקב ויאמר ללבן כי יראתי כי אמרתי פן-תגזל את-בנותיך מעמי. | יש ביאור - קראו וערכו אותו |
| לב | עם אשר תמצא את-אלהיך לא יחיה נגד אחינו הכר-לך מה עמדי וקח-לך ולא-ידע יעקב כי רחל גנבתם. | יש ביאור - קראו וערכו אותו |
| לג | ויבא לבן באהל יעקב ובאהל לאה ובאהל שתי האמהת ולא מצא ויצא מאהל לאה ויבא באהל רחל. | יש ביאור - קראו וערכו אותו |
| לד | ורחל לקחה את-התרפים ותשמם בכר הגמל ותשב עליהם וימשש לבן את-כל-האהל ולא מצא. | יש ביאור - קראו וערכו אותו |
| לה | ותאמר אל-אביה אל-יחר בעיני אדני כי לוא אוכל לקום מפניך כי-דרך נשים לי ויחפש ולא מצא את-התרפים. | יש ביאור - קראו וערכו אותו |
| לו | ויחר ליעקב וירב בלבן ויען יעקב ויאמר ללבן מה-פשעי מה חטאתי כי דלקת אחרי. | יש ביאור - קראו וערכו אותו |
| לז | כי-מששת את-כל-כלי מה-מצאת מכל כלי-ביתך שים כה נגד אחי ואחיך ויוכיחו בין שנינו. | יש ביאור - קראו וערכו אותו |
| לח | זה עשרים שנה אנכי עמך רחליך ועזיך לא שכלו ואילי צאנך לא אכלתי. | יש ביאור - קראו וערכו אותו |
| לט | טרפה לא-הבאתי אליך אנכי אחטנה מידי תבקשנה גנבתי יום וגנבתי לילה. | יש ביאור - קראו וערכו אותו |
| מ | הייתי ביום אכלני חרב וקרח בלילה ותדד שנתי מעיני. | יש ביאור - קראו וערכו אותו |
| מא | זה-לי עשרים שנה בביתך עבדתיך ארבע-עשרה שנה בשתי בנתיך ושש שנים בצאנך ותחלף את-משכרתי עשרת מנים. | יש ביאור - קראו וערכו אותו |
| מב | לולי אלהי אבי אלהי אברהם ופחד יצחק היה לי כי עתה ריקם שלחתני את-עניי ואת-יגיע כפי ראה אלהים ויוכח אמש. | יש ביאור - קראו וערכו אותו |
| מג | ויען לבן ויאמר אל-יעקב הבנות בנתי והבנים בני והצאן צאני וכל אשר-אתה ראה לי-הוא ולבנתי מה-אעשה לאלה היום או לבניהן אשר ילדו. | יש ביאור - קראו וערכו אותו |
| מד | ועתה לכה נכרתה ברית אני ואתה והיה לעד ביני ובינך. | יש ביאור - קראו וערכו אותו |
| מה | ויקח יעקב אבן וירימה מצבה. | יש ביאור - קראו וערכו אותו |
| מו | ויאמר יעקב לאחיו לקטו אבנים ויקחו אבנים ויעשו-גל ויאכלו שם על-הגל. | יש ביאור - קראו וערכו אותו |
| מז | ויקרא-לו לבן יגר שהדותא ויעקב קרא לו גלעד. | יש ביאור - קראו וערכו אותו |
| מח | ויאמר לבן הגל הזה עד ביני ובינך היום על-כן קרא-שמו גלעד. | יש ביאור - קראו וערכו אותו |
| מט | והמצפה אשר אמר יצף יהוה ביני ובינך כי נסתר איש מרעהו. | יש ביאור - קראו וערכו אותו |
| נ | אם-תענה את-בנתי ואם-תקח נשים על-בנתי אין איש עמנו ראה אלהים עד ביני ובינך. | יש ביאור - קראו וערכו אותו |
| נא | ויאמר לבן ליעקב הנה הגל הזה והנה המצבה אשר יריתי ביני ובינך. | יש ביאור - קראו וערכו אותו |
| נב | עד הגל הזה ועדה המצבה אם-אני לא-אעבר אליך את-הגל הזה ואם-אתה לא-תעבר אלי את-הגל הזה ואת-המצבה הזאת לרעה. | יש ביאור - קראו וערכו אותו |
| נג | אלהי אברהם ואלהי נחור ישפטו בינינו אלהי אביהם וישבע יעקב בפחד אביו יצחק. | יש ביאור - קראו וערכו אותו |
| נד | ויזבח יעקב זבח בהר ויקרא לאחיו לאכל-לחם ויאכלו לחם וילינו בהר. | יש ביאור - קראו וערכו אותו |